साउन १३,
भक्तपुर । इष्ट प्वाइन्ट एकेडेमी माध्यमिक विद्यालय मूलढोकाका कक्षा ८, ९ र १० का विद्यार्थीहरुद्वारा गुरुपूर्णिमा कार्यक्रम सम्पन्न गरेको छ । कार्यक्रममा विद्यार्थीहरुले अध्यापन गराउने सम्पूर्ण शिक्षक शिक्षिकाहरुलाई मञ्चमा राखी सम्मानका सथा रातो टीका, खादा, फुलमाला लगाइदिएका थिए । कार्यक्रममा गुरुचेला अन्तरसम्बन्ध सिकाइको सुमधुरता र पढाईको सफलतामा सार्थकता प्राप्त गर्न सकियोस् भन्ने भावपूर्ण मन्तव्य विद्यालयका प्रिन्सिपल रमेशचन्द्र श्रेष्ठले राख्नुभयो । कार्यक्रममा कक्षा १० का विद्यार्थी विवेक भारतीले स्वागत मन्तव्य राख्दै सरल, सफल र सहज जीवन जिउँदै जीवनको सार्थक मार्ग प्रशस्त गर्ने गुरुहरु महान् हुन भन्ने धारणा प्रस्तुत गरेका थिए । सोही क्रममा विद्यालयका आदरणीय शिक्षकहरु अमृतकृष्ण फुयाँल र गंगाराम दुवालद्वारा केक काटेर टिका लगाई कार्यक्रम सम्पन्न गरिएको थियो ।
