चैत २७,
चितवन । पुर्वी चितवनको राप्ती नगरपालिका ३ झुरझुरेमा मंगलबार सवारी दुर्घटना हुँदा १२ यात्रु घाईते भएका छन्। दुर्घटनामा २ जनाको अबस्था गम्भिर रहेको जिल्ला प्रहरी कार्यालय चितवनले जनाएको छ। कार्यालयका प्रहरी नायव उपरिक्षक शिव शर्मा आचार्यका अनुसार विहान ११ बजे चितवनबाट हेटौंडातर्फ जाँदै गरेको लु १ ख ८९४६ नम्बरको बसले विपरित दिशाबाट आउँदै गरेको ना ५३ प ७८३१ नम्बरको मोटरसाइकललाई ठक्कर दिंदा मोटरसाइकलमा सवार दुई जना गम्भिर घाइते भएका छन्। उनीहरुको अहिले भरतपुर अस्पतालमा उपचार भैरहेको छ। बस र चालकलाई भने नियन्त्रणमा लिईएको छ। यस्तै सोही ठाउँ नजिकै भण्डारातर्फबाट भरतपुर आउँदै गरेको बा ३ ख ७३८६ नम्बरको लोकल बस आफैं अन्यिन्त्रीत भई पल्टिंदा १० यात्रु घाईते भएको प्रहरीले जनाएको छ। उनीहरुको उपचारका लागि भरतपुर ल्याईंएको छ।
