काठमाडौँ । बाजुराको बडीमालिका नगरपालिका-६ कोर्धमा विद्यालय जाने क्रममा भिरबाट लडेर एक बालिकाको मृत्यु भएको छ । मृत्यु हुनेमा बडीमालिका-६ कोर्ध फडील्ला स्थायी घर भएका दलबहादुर बडुवालकी ६ वर्षीया छोरी कमला बडुवाल रहेकी छिन् ।
मृतक बालिका नेपाल राष्ट्रिय आधारभूत विद्यालय कोर्धमा कक्षा १ मा अध्ययनरत विद्यार्थी हुन् । ९ बजे घरबाट हिँडेकी कमला घर नजिकै रहेको ढागीलोटा भन्ने ठाउँमा खुट्टा चिप्लिएर लडेको बताइएको छ ।
