भदौ ११,
काठमाडौं । काठमाडौंका विभिन्न ठाउँबाट अवैध लागूऔषधसहित २ युवा पक्राउ परेका छन् । पक्राउ पर्नेमा काठमाडौं महानगरपालिका—३१ मध्येबानेश्वर बस्ने सप्तरी शम्भुनाथ नगरपालिका—५ घर भएका ३५ वर्षीय अजय दास र काठमाडौं महानगरपालिका—७ कुमारीगाल बस्ने महोत्तरी घर भएका २९ वर्षीय आशुतोस अधिकारी रहेका छन् ।
महानगरीय प्रहरी वृत्त बानेश्वरबाट खटिएको प्रहरीले दासलाई नियन्त्रित लागूऔषध डाईजेल्याप ७१ एम्पुल, फेनेरागन ८९ एम्पुल र नुर्फिन ७० एम्पुल सहित मंगलबार दिउँसो प्रहरीले पक्राउ गरेको हो ।
महानगरीय प्रहरी कार्यालय रानीपोखरीबाट खटिएको प्रहरीले अधिकारीलाई नियन्त्रित लागूऔषध नुर्फिन ४८ एम्पुल, डाइजेपाम ४८ एम्पुल र फेनेरागन ४८ एम्पुल सहित मंगलबार साँझ प्रहरीले पक्राउ गरेको हो । यस सम्बन्धमा स्थानीय प्रहरीले आवश्यक अनुसन्धान गरिरहेको बताएको छ ।
