भक्तपुर । विहिबार भोली केदारनाथको शिर डोलेश्वर महादेव मन्दिरको चारै ढोका खुल्ने भएको छ । गएको साउन १ गतेदेखि सुरु भएको श्रावणी मेलाको समेत भोली भदौ ६ गते समापन हुनेछ । डोलेश्वर महादेवलाई केदारनाथको शिर घोषणा गरिएको दिन भएकाले सूर्यविनायक नगरपालिकाले भोली स्थानीय पर्वको अवसर पारेर सार्वजनिक बिदा दिने निर्णय गरेको वडा ८ का अध्यक्ष पुष्पराज बस्नतेले जानकारी दिएका छन् । ‘भोली डोलेश्वर महादेवको गर्भगृहभित्र नै प्रवेश गरेर दर्शन गर्न पाइने छ,’ अध्यक्ष बस्नेतले भने । मेलाको सूर्यविनायक नगरपालिकाका मेयर बासुदेव थापाको प्रमुख आतिथ्यतामा समापन गर्ने तयारी रहेको छ ।
