काठमाडौ । भक्तपुर बस्दै आएका एक पुरुष र महिला काठमाडौंको दक्षिणकालीमा मृत फेला परेका छन्।
दक्षिणकाली नगरपालिका वडा नम्बर ८ केराबारीस्थित भिरमा दुई जनाको शव फेला परेको जिल्ला प्रहरी परिसर काठमाडौंका एसपी नवराज अधिकारीले जानकारी दिनु भएको छ ।
धादिङ सिद्धलेख गाउँपालिका वडा नम्बर ५ घर भई भक्तपुर बस्ने ४२ वर्षीय रामचन्द्र खनाल र चाँगुनारायण वडा नम्बर ५ बस्ने ३२ वर्षीया सविना राई मृत फेला परेको प्रहरीले जनाएको छ।
बुधबार साँझ भिरमा दुई जनाको शव रहेको भन्दै प्रहरीलाई स्थानीयले खबर गरेका थिए। त्यसपछि इलाका प्रहरी कार्यालय फर्पिङले घटनास्थललाई सुरक्षित राखेको थियो। प्रहरीले यसबारे थप अनुसन्धान गरिरहेको छ ।
