-राजकुमार लामिछाने प्रिन्स
खेतको आलु कुहाउदै
स्यानो छोरो रुवाँउदै
म गाँउमा समाज परिवर्तन भन्दै हिड्दै थिए
प्रतिगमनका मतियार भन्दै आफ्नैहरुसंग भिड्दै थिए
उता गाँउदेखी केन्द्रसम्मको गेट खुलेछ
संगसंगै महोदयहरुको फ्याट्ट चेत खुलेछ
त्यसपछी त वल्टिङको ठाँउमा पल्टिङ चलेछ
बिमास्थलमै सुनका अन्डा पो फलेछ
लौ के भा भन्दै म डराए ?
के गरेको भनेर कराए ?
महोदयले भन्नू भो
कति कराको ?
किन उग्र भाको ?
कति न खुब सुन्ने जान्ने
न तेरो कुरा हामिले मान्ने
सबैले भने
बाबु
कति कराको ?
किन उग्र भाको ?
त्यसैले यमैले बोल्न छाडिदिए है
महोदय म पनि बदलिए है ।
म बदलिन त
अचेल नारी अस्मिता जोगाउन कराउदा झर्को लाग्छ
न्याय र समनताको कुरा कसैले गर्दा चर्को लाग्छ
बिचार दर्शन सिध्दान्त त मलाइ कुकुरलाइ घिउ जस्तो लाग्छ
सत्य इमान्दारिताको कुरा गर्नेलाइ प्वाक्क दिउ जस्तो लाग्छ
साच्यै म हिजो जस्तो रहिन त
महोदय, हेर्नू त म तपाईं जस्तै भैन त ।
तपाइले लेखेको तपाइले देखेको क्या बात आहा ,
तपाइले बोलेको , लगाएको- खोलेको क्या बेस्ट
प्रयास गर्दैछु अचेल म पनि बन्न तपाइकै कपि पेस्ट
त्यसैले नालिका किराहरुसंगै बसेको छु मज्जा आइरा छ
साच्चै हेर्नू न महोदय , मेरो जुँगा नै तपाइको जस्तो भै रा छ।
मजुदरका कुरा गर्दा गर्दै तिनकै मालिक हुनु
उद्घाटन कार्यक्रम,प्रमुख अथिती आफै, आफ्नै शालिक हुनु
घर , घरको बैठक कोठा, कोठामा कुर्सी, कुर्सिमा म
अनि मलाइ सुसारेले राजा भनेको
कस्तो मज्जा के?
देश बनाउन हिड्दा हिड्दै मै बनेको
महोदय, सुन्नु न अझ के भनु
पुरै तपाईं जस्तै हुन अझ के बनु
झिंगा बनु कि लामखुट्टे
मुहारमा कालै दलौ कि रंग बुट्टे
बिच्छी बनेर डसौ कि
छेपारो जस्तै बसौ
भन्नू न महोदय म के गरौ
उग्र भएर म कराउदिन
छुच्चो भएर यहि म हराउदिन
मलाई पनि यो खेलमा टिक्नु छ
यहि बजारमा महंगोमा बिक्नु छ
तपाइबाट धेरै धेरै सिक्नु छ ।
म त तपाईंकै हावा ,
म तपाइकै फ्यान
म तपाइकै हन्बेर्नो
यो तपाइकै ज्यान
हेर्नुस त म मा परिवर्तन
तपाइकै गरेछु ध्यान
साच्चै महोदय
म बदलिएछु ।
चाँगुनारायण नगरपालिका -६ नगरकोट , भक्तपुर
