हेमराज ढकाल भक्तपुर । भक्तपुर जिल्लाको सूर्यविनायकमा रहेको नेपाली सेनाको इन्द्र बक्स गणमा भूतपूर्व सैनिक सम्मेलन २०८० सम्पन्न भएको छ । आइतबार नेपाली सेनाका कार्यरथी, उपरथी दीपक कुमार बानियाँको प्रमुख आतिथ्यता सम्मेलन सम्पन्न भएको हो । उक्त कार्यक्रममा विविध सांस्कृतिक नृत्य, गीत प्रस्तुति गरिएको थियो ।
शारिरिक रुपमा अपाङ्ग तथा अशक्त रहेका सेनाका अवकाश प्राप्त तथा परिवारका सदस्य तीन जनालाई ह्विल चियर प्रदान गरिएको श्री इन्द्रबक्स गण सूर्यविनायक गणपति प्रमुख सेनानी मोहन कुमार थापाले जानकारी दिनुभएको छ । ह्विल चियर प्राप्त गर्नेमा टंक बहादुर श्रेष्ठ, बिनोद भुजेल र छोराकालागि लक्ष्मी प्रसाद पौडेल हुनहुन्छ ।
भूपू सैनिक सम्मेलनमा अतिथिको रुपमा सूर्यविनायक नगरपालिकाका नगरप्रमुख बासुदेव थापा, भक्तपुरकी प्रमुख जिल्ला अधिकारी रोशनी श्रेष्ठ, भक्तपुर प्रहरीका प्रमुख वेद विष्ट, सेनाका अवकाश प्राप्त वरिष्ठ अधिकृत, सेनाका अवकाश प्राप्त विभिन्न दर्जाका व्यक्तिहरु तथा परिवारका सदस्यलगायतको उपस्थिति रहेको थियो ।
भूतपूर्व सैनिक सम्मेलन, तस्बिरमा हेरौं
