काठमाडौं । स्थगित बिपी साहित्य महोत्सव नेपाली कांग्रेसले असोज ३ गते गर्ने भएको छ।
संविधान दिवसका दिन कांग्रेसले केन्द्रीय कार्यालय सानेपामा बिपी महोत्सवको बाँकी कार्यक्रम गर्ने भएको हो। असोज ३ गते बिहान १०:३० बजेदेखि अपराह्न ५ बजेसम्म बिपी साहित्य महोत्सव हुनेछ ।
कांग्रेसले भदौ २४ र २५ गते पनि बिपी साहित्य महोत्सवमा विभिन्न कार्यक्रम गरेको थियो।
नेकपा एमालेका नेता सुवास नेम्वाङको निधन भएपछि गत भदौ २६ गते कांग्रेसले बिपी साहित्य महोत्सव स्थगित गरेको थियो।
