काठमाडौँ । पेप्सीकोला र जडीबुटको बीचमा पर्ने छाप्रो नजिकै भएको सवारी दुर्घटनामा एकजनाको मृत्यु भएको छ । दुर्घटनामा ६ जना घाइते भएका छन् । आज बिहान जडीबुटीबाट पेप्सीकोला तर्फ जाँदै गरेको बसले ३ वटा सवारी साधनलाई ठक्कर दिँदा सो घटना भएको प्रहरीले जनाएको छ ।
मृत्यु हुनेमा मोटरसाइकल चालक सर्लाही घर भएका २८ वर्षीय राज भट्टराई रहेको उपत्यका ट्राफिक प्रहरी कार्यालयका एसएसपी राजेन्द्र भट्टले जानकारी दिए । बसले विपरीतबाट आउँदै गरेको बा ६ च ५३४२ नम्बरको बोलेरो, बा.प्र.०२–०३७ प ५३११ नम्बरको स्कुटर र बा.प्र.०२–०४१ प ४८३८ नम्बरको मोटरसाइकललाई ठक्कर दिएको थियो ।
