भक्तपुर । जिल्ला प्रहरी परिसर भक्तपुरको अनुसार आज साँझ एक पुरुषको शव फेला परेको छ । भक्तपुर नगरपालिका वडा नं. २ ब्यासी खस्राङखुसरुङ खोलाको टुमोचा पुल नजिक करिडोर सडकमा अन्दाजी ३५÷४० बर्षको पुरुषको शव स्थानीयले देखेका थिए । ऐकिन नामथर वतन नखुलेका पुरुष व्यक्ति उत्तानो अबस्थामा मृत रहेको छ भन्ने खबर प्राप्त हुनासाथ उक्त स्थानमा प्रभाग व्यासीबाट प्र.ब.ना.नि.रामचन्द्र पोखरेलको टोली पुगेको प्रहरीले जानकारी दिएको छ । घटनास्थल मुचुल्का तथा अनुसन्धानकोलागि परिसर भक्तपुरबाट प्र.नि.लोक बहादुर जिसीको टोली खटी गएको छ । शव सोही स्थानमा रहेको र थप अनुसन्धान कार्य जारी परिसरका एसपी प्रजित के.सीले जानकारी दिएका छन् ।
