काठमाडौं । ३ महिनापछि अनिवार्य अवकाश पाउने शंकरदास बैरागीलाई सरकारले मुख्यसचिवबाट राजीनामा दिन लगाइ मुख्यसचिवमा डा।वैकुण्ठ अर्याललाई नियुक्त गर्ने निर्णय गरेको छ । बिहीबार सिंहदरबारस्थित प्रधानमन्त्री तथा मन्त्रीपरिषद्को कार्यालयमा बसेको मन्त्रीपरिषद्को बैठकमा सरकारको मुख्यसचिवमा डा।वैकुण्ठ अर्याललाई नियुक्त गर्ने निर्णय गरेको हो । सचिवहरु मध्येमा वरिष्ठताका आधारमा अर्याललाई मुख्यसचिवमा नियुक्त गरिएको परराष्ट्रमन्त्री नारायणप्रसाद साउदले बताउनुभयो । मन्त्रीपरिषदको बैठकले मुख्यसचिवका रुपमा कार्यरत बैरागीलाई भने राष्ट्रिय सुरक्षा परिषद्को सल्लाहकारमा नियुक्त गरेको बताउनुभयो । बैरागीलाई सरकारले मुख्यसचिवबाट राजीनामा दिन लगाइ राष्ट्रिय सुरक्षा परिषद्को सल्लाहकारमा नियुक्त गरेको हो ।
