चितवन । बैङ्क तथा वित्तीय संस्थाका प्रमुखहरूलाई कालो मोसो दल्ने भनेर धम्की दिने दुर्गा प्रसाईँको ‘कालो मोसो दस्ता’का केन्द्रीय संयोजक शम्भु थापा पक्राउ परेका छन् ।
उनलाई मङ्गलवार दिउँसो जिल्ला प्रशासन कार्यालय चितवनबाट पक्राउ गरिएको प्रहरीले जनाएको छ । उनलाई सोधपुछका लागि नियन्त्रणमा लिइएको प्रहरीले बताएको छ ।
धर्म, संस्कृति, राष्ट्र, राष्ट्रियता र नागरिक अभियानको नाममा गत फागुन १३ गते चितवनमा दुर्गा प्रसाईँले गरेको कार्यक्रममा थापालाई कालो मोसो दस्ताको केन्द्रीय संयोजक घोषणा गरिएको थियो । संयोजक बनेका थापाले बैङ्क तथा वित्तीय संस्थाका प्रमुखहरूलाई कालो मोसो दल्ने घोषणा गरेका थिए । प्रसाईँ चितवन आएका दिन उनको नेतृत्वमा कालो मोसो लेखिएको टिसर्ट लगाएर युवाहरू परिचालन गरिएको थियो ।
