भक्तपुर । आज उपत्यकालगायत पहाडी क्षेत्रमा होली पर्व मनाइदैं छ । होलीको क्रममा सुरक्षा व्यवस्था बलियो बनाउन प्रहरी सक्रिय भएर चोक चोकमा खटिएको देखिन्छ । सो क्रममा भक्तपुर जिल्लामा मादक पर्दाथ सेवन गरी सवारीसाधन चलाउने, मोटरसाइलमा तीन जना बस्ने, तीव्र गतिमा चलाउनेलगायतका गतिविधि गर्नेलाई नियन्त्रणमा लिएको प्रहरी जानकारी दिएको छ । जिल्ला प्रहरी परिसर भक्तपुरका प्रमुख प्रहरी उपरिक्षक (एसपी) प्रजित के.सीका अनुसार साँझसम्ममा १८ जना मानिस, १११ वटा मोटरसाइकल र १ वटा कारलाई प्रहरीले नियन्त्रमा लिएको छ । हालसम्म जिल्लामा कुनै अप्रीय घटना नभएको समेत प्रहरीले जानकारी दिएको छ ।
