२४ औं वार्षिकोत्सव सम्पन्न
भक्तपुर । चाँगुनारायण नगरपालिका वडा न ६मा रहेको क्वालिटी ईङ्गलिस सेकेन्डरी स्कुलले आफ्नो २४ औं वार्षिकोत्सव मनाएको छ । बिद्यालयले आफ्नो २४ औं बार्षिक उत्सव, अभिभावक दिवस तथा सांस्कृतिक कार्यक्रम सम्पन्न गरेको हो। कार्यक्रममा शैक्षिक बर्ष २०७८ का कक्षागत उत्कृष्ट विद्यार्थीहरुलाई पुरस्कृत गरिएको छ ।
बर्ष बिद्यार्थीमा कक्षा १० कि छात्रा प्रविना लामिछाने, सबै दिन बिद्यालय आउने बिद्यार्थीमा कक्षा ६ का बिद्यार्थी प्रनिशा गिरी, बर्ष सफा बिद्यार्थीमा कक्षा ४ का प्रन्सुख के। सी। र अनुशासित बिद्यार्थीमा कक्षा ९ कि बिद्यार्थी आयुषा नेपाल पुरस्कृत भएका छन् ।
कार्यक्रममा विद्यालयका शिक्षक कर्मचारीलाई मायाको चिनो प्रदान गरिएको थियो र १० बर्ष सेवा पुर्याउदै आएका शिक्षक राम कुमार नेपाल, अनिता थापा र स्नेहा लामिछानेलाई दिर्घ सेवा सम्मान पुरस्कार प्रदान गरिएको बिद्यालयका संस्थापक प्रिन्सिपल जी। बी। खड्काले जानकारी दिए । चित्रकला प्रदर्शनी, हस्तलेखन प्रदर्शन र शिक्षण सामग्री प्रदर्शन कार्यक्रमका आकर्षण रहेका थिए। कार्यक्रममा बिद्यार्थीहरुको नृत्य, नाटक, गायन, कविता बाचन आदि प्रस्तुत गरिएको थियो।
सो कार्यक्रममा चाँगुनारायण नगरपालिका नगर प्रमुख जीवन खत्री, नेशनल प्याब्सनका केन्द्रीय उपाध्यक्ष प्रबोध प्रभाकर रिजाल, नेशनल प्याब्सन भक्तपुर अध्यक्ष संजय खड्का, विभिन्न वडाका अध्यक्षलगायतको उपस्थिती रहेको थियो ।
