काठमाडौँ । अनेरास्ववियुको २३ औँ राष्ट्रिय महाधिवेशन सुरु भएको छ । निःशुल्क शिक्षा, स्वास्थ्य र पूर्ण रोजगार समृद्ध नेपाल निर्माणको आधार ! गतिशील सङ्गठन र स्ववियु निर्वाचन हाम्रो सरोकार भन्ने नाराको साथ आजबाट सुरु भएको महाधिवेशन ४ गतेसम्म चल्नेछ ।
कमलादीस्थित प्रज्ञा प्रतिष्ठानमा महाधिवेशनको उद्घाटन पार्टी अध्यक्ष तथा पूर्व प्रधानमन्त्री केपी शर्मा ओलीले गर्नेछन् । महाधिवेशनको उद्घाटन समारोहमा विभिन्न राजनीतिक दलका नेताहरू, विभिन्न विद्यार्थी सङ्गठनमा नेताहरू लगायतको उपस्थिति रहेको छ । महाधिवेशनको उद्घाटन सत्र अघि उपत्यकाका विभिन्न स्थानबाट र्याली निस्किएको थियो ।
