भक्तपुर । विमल मेमोरियल विद्यापीठ स्कुलले सम्मान एवं अभिभावक दिवस(२०७९ सम्पन्न गरेको छ ।
सूर्यविनायक नगरपालिका वडा नं १० मा अवस्थित विमल स्कुलले आफ्नै प्रांगणमा आयोजना गरेको कार्यक्रमको उदघाटन प्रमुख अतिथि नेशनल प्याव्सनका केन्द्रीय अध्यक्ष पाण्डव हमालले विरुवामा पानी हालेर गरेका िथए । नेशनल प्याब्सन भक्तपुरका सहसचिव समेत रहेका उक्त विद्यालय संचालक र प्रिन्सिपल कुमार थापा मगरको सभापत्तित्वमा सम्पन्न भएको सो कार्यक्रममा विद्यालयबाट २०७६, २०७७ र २०७८ मा एसईई उत्तीर्ण गरेका विद्यार्थीहरुलाई उच्च शिक्षाको लागि शुभकामना सहित सम्मान प्रदान गरी विदाई गरिएको थियो ।
शैक्षिक वर्ष २०७८ मा कक्षा नर्सरी देखि कक्षा ९ सम्मका ४ जिपिए प्राप्त गर्ने विद्यार्थीहरुलाई कार्यक्रमका अतिथिहरुद्वारा पुरस्कृत गरिएको थियो ।
विद्यालयमा कार्यरत प्रिन्सिपल, शिक्षक एवं सम्पूर्ण कर्मचारीहरुलाई प्रमुख अतिथिद्वारा प्रशंसापत्र प्रदान गरी सम्मान गरिएको थियो ।
कार्यक्रममा सुनपा वडा १० का अध्यक्ष शिवराम राउत र नेशनल प्याव्सन केन्द्रीय सदस्य एवं इप्सनका अध्यक्ष जिबि खड्काले शुभकामना मन्तव्य दिए ।
भक्तपुर नेशनल प्याव्सन जिल्ला अध्यक्ष संजय खड्काले अभिभावकहरुलाई स्कुलप्रति कसरी समन्वय एवं सहकार्य गर्ने, आफूले कस्तो भूमिका खेल्नु पर्ने बताए ।
कार्यक्रममा नेशनल प्याव्सन केन्द्रीय कोषाध्यक्ष प्रताप थापा, नेशनल प्याब्सन भक्तपुर जिल्ला उपाध्यक्ष शिवकृष्ण कवां, प्याब्सन एवं इप्सन सचिव विजय कर्माचार्यलगायत अथितिहरुको उपस्थिति रहेको थियो ।
साथै अभिभावकहरुको उल्लेख्य उपस्थिति रहेको दोश्रो चरणको कार्यक्रममा विद्यालयमा अध्ययनरत विद्यार्थीहरुले विविध साँस्कृतिक प्रतिभाका प्रस्तुति र क्षमता प्रदर्शन गरेका थिए ।
