रौतहट । राजमार्गको शहरी क्षेत्रमा खटिनुपर्ने ट्राफिक प्रहरीहरू जंगल क्षेत्रका राजमार्गमा देखिन थालेपछि मधेश प्रदेशले ओगेटेको शहरी क्षेत्रको ट्राफिक व्यवस्थापन अस्तब्यस्त भएको छ । अत्यधिक सवारी साधन चल्ने मधेश प्रदेशअन्तर्गत रहेको राजमार्ग स्थित शहरी क्षेत्रमा खटिन’को साटो एकान्तस्थल र जङ्गलक्षेत्रमा चेकिङ्गको बहानामा दैनिकजसो ट्राफिक प्रहरी रहने गरेका छन् ।
एउटै जिल्लाको राजमार्गका दुई÷तीन स्थानमा बसेर ट्राफिक प्रहरीले सवारी साधनको कागजपत्र रहे÷नरहेको मात्र हेर्ने गरेका छन् । उनीहरुले कागजपत्र नभएको सवारी चालकसँग अवैध रकम असुल गर्ने गरेको चालकहरू बताउँछन् ।
चेकिङ्ग गर्ने क्रममा ट्राफिक प्रहरीकै कारण राजमार्गमा जाम हुने गरेको मोटरसाईकल चालक बलराम सापकोटा बताउनु हुन्छ । सवारी साधन चेकिङ्ग गर्दा ट्राफिक प्रहरीले यान्त्रिक अवस्था हेर्दैनन् । केबल मालबाहक र पशु लोड गरेको सबारी साधनलाई रोकेर चेकजाँचको नाममा सवारी साधनलाई दुःख दिने गरेको गुनासो चालकहरुको रहेको छ ।
कमजोर ट्राफिक व्यबस्थापनको कारण मधेश प्रदेशअन्तर्गत बाराको जीतपुर सिमरा, नीजगढ, कलैया, रौतहटको चन्द्रपुर, गौर, गरुडा, डुमरिया, बालचनपुर, गरुडा, शिवनगर, जयनगर, सुकदेव चौक, र गौर यस्तै भित्रि भागमा पर्ने कटहरिया, मौलापुर, समनपुर सर्लाहीको नवलपुर, हरिऔन, हरपुर, मलङ्गवा, महोतरीको बर्दिबास, गौशाला, जलेश्वर, धनुषाको मुझेलिया, ढल्ेकबर, जनकपुर, महेन्द्रनगर, सिराहाको लाहान, धनगढी, सिराहा माडर, गोलबजार सप्तरीको भारदह, शम्भुनाथ, कन्चनपुर, हनुमाननगर लगायतको शहरीक्षेत्रमा जथाभाबी पार्किङ्गले सौन्दर्यतानै बिगारेको छ ।
