वीरगञ्ज । प्रहरीले पर्साबाट तीन जना महिलालाई लागुऔषध चरेससहित पक्राउ गरेको छ। प्रहरीले पर्सागढी नगरपालिका-२ बागवानास्थित सडकखण्डमा ना. २ ह ३१८६ नम्बरको सार्वजनिक अटोलाई चेकजाँच गर्दा सोमा सवार तीन जना महिलाहरूको साथमा चरेस भेटिएकाे हाे।
चरेससहित पक्राउ पर्नेहरूमा मकवानपुरको मनहरी गाउँपालिका-८ बस्ने कल्पना मोक्तान, कवितामाया बल र रीता विश्वकर्मा रहेको प्रहरीले जनाएको छ।
बाराको जीतपुरबाट मनवातर्फ जाँदै गरेको अटाेमा सवार तीनैजना महिलाहरूले बोकेको झोला भित्रबाट १३ किलो ८ सय ग्राम चरेस बरामद गरिएको पर्साका प्रहरी प्रवक्ता दिपक गिरीले जानकारी दिए।
पक्राउ परेका तीनैजनालाई चरेससहित लागुऔषधसम्बन्धी कसूरमा अनुसन्धान भैरहेको गिरीले बताए।
