भक्तपुर । मध्यपुरथिमिको गठबन्धनका उम्मेदवार मेयर पदमा नेपाली काङ्ग्रेस सुरेन्द्र श्रेष्ठ बिजयी भएका छन् । उनका निकटतम् प्रतिद्वन्द्वी निवर्तमान नगरप्रमुख एवम् एमालेका उम्मेदवार मदनसुन्दर श्रेष्ठलाई सुरेन्द्रले ४०६३ मतले पराजित गरेका हुन् । सुरेन्द्र श्रेष्ठले १५ हजार ९८ मत प्राप्त गरे भने मदनसुन्दरले ११ हजार ३५ मत प्राप्त गरेका छन् ।
नगर गठबन्धन कै उम्मेदवार उपप्रमुखमा नेकपा माओवादी केन्द्रका विजय श्रेष्ठले १२ हजार १ सय २ मत प्राप्त गरे । श्रेष्ठले निकटतम् प्रतिद्वन्द्वी एमालेका उम्मेदवार उत्तरा नेपाललाई ३ हजार १३९ मतले पराजित गरे । नेपालले ८९६३ मत पाएकी छन् ।
