बैशाख ३१,
भक्तपुरको मध्यपुरथिमिमा नेपाली काँग्रेसले अग्रता बढाएको छ । अहिले मध्यपुर थिमिको मतगणनामा वडा नं. १ को ८ सय मत गणना भएको छ । हालसम्म नगरप्रमुखमा काँग्रेसका सुरेन्द्र श्रेष्ठले ४३७, नेकपा एमालेमा मदनसुन्दर श्रेष्ठले २८६ ल्याएका छन् । उपप्रमुखमा एमालेकी उत्तरा नेपालले ३६६ मत, गठबन्धनका तर्फबाट नेकपा माओवादी केन्द्रका विजयकृष्ण श्रेष्ठले २९६ मत ल्याएका छन् । अहिलेसम्म वडाध्यक्षमा काँग्रेसका बाबुकाजी डंगोलले ४१३, एमालेका कृष्णकुमार प्याथले १९३ मत ल्याएका छन् ।
