भदौ १८,
काठमाडौं । रातो मछिन्द्रनाथको रथ ललितपुरका युवाहरुले स्वस्फुर्त रथ तानेपछि पुल्चोकमा तनाव भएको छ । प्रहरी र स्थानीय युवाहरुबीच झडप भएको छ । प्रहरीले रथ तान्न रोकेपछि युवाहरुले विरोध गरेका थिए । त्यही बेला प्रहरीले पानीको फोहोरा हान्न ट्यांक ल्याएपछि युवाहरुले ढुंगामुढा गरे ।
त्यसलाई रोक्न प्रहरीले केही सेल अश्रुग्यास हानेको छ । अहिले पनि तनाव कायमै छ । युवाहरुले रथ सडकको बीचमा पुर्याएका छन् । सुरक्षाकर्मीको बाक्लो उपस्थिती पुल्चोक क्षेत्र देख्न सकिन्छ ।
