चैत ७,
सिन्धुपाल्चोक । जिल्ला प्रहरी कार्यालय सिन्धुपाल्चोकले मट्टितेल र पेट्रोलको कालो बजारी गर्ने दुई जना पक्राउ गरेको छ । शुक्रबार जिल्ला प्रहरी कार्यालयबाट खटीएको प्रहरी टोलिले चौतारा साँगाचोक गढी न.पा. वडा नं. ५ पुरानो बजारमा बा २ ख ३८०६ नं.को मिनि ट्रकबाट मट्टितेल र पेट्रोल बरामद गरेको हो । ज्ञानीमाया दुलालको किराना पसल अगाडी रोकी राखिएको उक्त मिनि ट्रकमा निलो रंगको २ सय ५० लिटर जाने प्लाष्टिकको ५ वटा र कालो रंगको ५० लिटर जाने प्लाष्टिकको २ वटा ड्रम फेला पारेको सिन्धुपाल्चोक प्रहरीका सूचना अधिकारी डीएसपी माधव प्रसाद काफ्लले जानकारी दिएका छन् ।
मिनिट्रकका चालक सिन्धुपाल्चोक चौतारा साँगाचोक गढी न.पा. वडा नं.५ आहालडाँडा बस्ने हरी बहादुर श्रेष्ठलाई समेत प्रहरीले नियन्त्रणमा लिएको छ ।
प्रहरीले दुलाल र चालक श्रेष्टको साथबाट करुणा आयल स्टोर काभ्रे बनेपाबाट २ सय ४३ लिटर मट्टितेल दि मोर्डन एमनिटी सप्लायर्स बनेपाबाट १ हजार १ सय लिटर पेट्रोल खरिद गरेको साधरण बिल समेत फेला परेकोले छ । उल्लेखित पेट्रोलियम पदार्थ, बिल र सवारी साधन रितपूर्बक बरामद गरी किराना पसल संचालन गर्ने दुलाल र सवारी चालक श्रेष्ठलाई समेत नियन्त्रण लिई अनुसन्धान कार्य भईरहेको डीएसपी काफ्लेले जानकारी दिएका छन् ।
