कार्तिक ४,
काठमाडौं । दशैं सकाएर नायिका बर्षा सिवाकोटी अमेरिका उडेकी थिइन् । तिहार नजिकिंदै गर्दा नायिका सिवाकोटीको प्रेम सम्बन्ध सार्वजनिक भएको छ । अमेरिकामा बस्ने नेपाली ठिटोसँग बर्षाको प्रेम अँकुराइ रहेको अनलाइन मिडियामा खबर छाएका छन् । अमेरिकामा रहंदै आएका सविनजंग थापाले बर्षासँगको स्टोरी आफ्नो इन्स्टाग्राममा पोस्ट गरेपछि नेपालका अनलाइन मिडियाले यसैलाई आधार बनाएर समाचार तयार गरेका हुन् । हुन पनि बर्षा नेपालबाट उडेदेखि अमेरिकामा घुमघाम गरेका स्टोरी इन्स्टामा खुलेर पोस्ट गरेका छन् । यस्तैमा आफ्नो प्रेम चर्चा बारे बर्षाले रमाइलो छ डटकमसँग छोटो कुराकानी गरेकी छिन् ।
