असोज ३,
काठमाडौं । कुकुर इमान्दार र वफादार जनावर हो । घर तथा घरका सदस्यहरुको राम्रोसँग रेखदेख गर्ने भएका कारण प्रायः मानिसहरुले घरमा कुकुर पाल्ने गर्छन् । कुकुर पालनको सौखिन हुनुहुन्छ भने अब लाइसेन्स आवश्यक पर्ने भएको छ। तर यो नियम नेपालका लागि भने होइन । भारतको उत्तरप्रदेशस्थित गाजियावादमा कुकुर पाल्नका लागि लाइसेन्स अनिवार्य लिनुपर्ने नियम बनाइको हो ।
गाजियावादका घरपरिवार जसले कुकुर पाल्न चाहन्छन् उनीहरुले अब नगर निगममा पाँच हजार भारतीय रुपैयाँ जम्मा गरेर लाइसेन्स लिनुपर्ने छ। लाइसेन्सविना उक्त क्षेत्रमा कुकुर पाल्न निषेध गरिएको छ।
त्यस्तै कुकुरले सडक या पार्कमा दिशापिसाब गरे पाँच सय भारतीय रुपैयाँ जरिवानासमेत दिनुपर्ने नियम पनि बनाइएको छ। छाडा कुकुरको संख्या बढ्दै गएपछि र वाहिरी वातावरणमासमेत दुर्गन्ध फैलन थालेपछि उक्त क्षेत्रमा यस्तो नियम ल्याइएको गाजियावाद स्थानीय प्रशासनले जनाएको छ ।
