भदौं ९,
भक्तपुर । महानगरीय प्रहरी वृत्त ठिमीले चोरी र लुटपाटमा संग्लन दुई जना युवाहरुलाई पक्राउ गरेको छ । सोमबार प्रहरीले चार दोवाटो ठिमीबाट चोरी गर्ने समुहका नुवाकोट बागेश्वरी गाँउपालिका वडा नम्बर ४ का १९ वर्षका एरिन तामाङ र काभ्रे बनेपा नगरपालिका वडा नम्बर ८ का २४ बर्षीय पञ्च घलानलाई पक्राउ गरेको हो । उनीहरुले ठिमीका विभिन्न स्थानमा रहेका मोवाइल सञ्चालकहरु दायाँ बायाँ गएको मौका छोपी मोवाईल तथा पैसाका व्याग चोरी गरेर भाग्य गरेका वृत्तका प्रमुख प्रहरी नायव उपरिक्षक शान्तिराज कोइरालाले जानकारी दिएका छन् ।
उनीहरुको साथबाट चोरीका मोवाईल ७ थान, लुटपाट भएका व्याग, नगद १ हजार ७ सय, ए.टि.एम.कार्ड, नागरिकता लगायतका सामानहरु सहित पक्राउ गरेको हो ।
यसबारेमा थप अनुसन्धान भईरहेको प्रहरी नायव उपरिक्षक कोईरालाले बताए ।
