भक्तपुरमा सवारी दुर्घटनाः दुई पुरुषको मृत्यु

322
सांकेतिक तस्विर

साउन १६,
भक्तपुर । भक्तपुरमा भएको फरक फरक सवारी दुर्घटनामा दुई जना पुरुषको मृत्यु भएको छ । मध्यपुर ठिमी न.पा.३ गठ्ठाघरमा भक्तपुरबाट काठमाडौतर्फ जादै गरेको ना ६ त ८६८ नं.को ट्याक्टर र सोही दिशातर्फ जादै गरेको प्रदेश ३–०२–००३ प ५५२९ मोटरसाइकल पछाडीबाट ठक्कर खान जादा एक जनाको मृत्यु भएको छ । २ जना घाइतेहरुलाई बुधबार राती ट्रमा सेन्टर काठमाडौमा थप उपचारका रिफर गरिएकोमा मोटरसाइकलको पछिल्लो सिटमा बस्ने रामेछाप सुनापाती गा.पा.३ घर भएको बर्ष २९ को रोमन तामाङ उपचारको क्रममा मृत्यु भएको प्रहरीले जानकारी दिएको छ ।

मोटरसाइकल चालक जिल्ला रामेछाप सुनापाती गा.पा.३ बस्ने बर्ष २८ को धन बहादुर थिङको ट्रमा सेन्टर काठमाडौमा उपचार भईरहेको । मिक्सचर चालक उदयपुर, कटारी घर भई हाल जडीबुटी बस्ने बर्ष ३१ को रबिन खत्री महानगरीय प्रही वृत्त ठिमीको नियन्त्रणमा छन् । फरार रहेका ट्याक्टर चालकको खोजतलास कार्य भईरहेको प्रहरीले जानकारी दिएको छ ।

त्यसैगरि चाँगुनारायण नगरपालिका ८ चरेलीमा कमलबिनायकबाट नगरकोटतर्फ जादै गरेको बा १० च ४०२६ नं. को बोलेरो दुर्घटना हुदाँ एक जनाको मृत्यु भएको छ । गाडी आफै अनियन्त्रित भई सडकबाट अन्दाजी ५ मिटर तल खस्न जादा गाडीमा सवार २ जना मानिसहरू घाईते भएका प्रहरीले जानकारी दिएको छ । उनीहरुलाई उपचारको लागी भक्तपुर अस्पताल लगिएकोमा सिन्धुली घर भई हाल जिल्ला भक्तपुर चाँगुनाराण न.पा. ८ कलमसी बस्ने बर्ष ३२ को कान्छा राई उपचारको क्रममा मृत्यु भएको हो । गाडी चालक जिल्ला दोलखा मेलुङ गा.पा.१ घर भई हाल जिल्ला भक्तपुर चाँगुनारायण न.पा.७ बागेश्वरी बस्ने बर्ष २० को प्रदिप राउत घाईते भई थप उपचारका लागि केएमसी अस्पताल सिनामंगल रिफर गरिएको छ । घटनाको समबन्धमा थप अनुसन्धान कार्य भइरहेको सूचना अधिकारी प्रनाउ रेवतीरमण पोखरेलले जानकारी दिएका छन् ।