साउन १३,
जनकपुर । धनुषाको क्षिरेश्वरमा दुई सवारीसाधन आपसमा ठोक्किएर दुर्घटना हुँदा चार जनाको मृत्यु भएको छ । क्षिरेश्वर नगरपालिका–४ पलाइ फ्याक्ट्रीस्थित सडकमा दुई सवारी साधन दुर्घटनामा परेको हो ।
ना१ज ७०२२ नम्बरको गाडी र ज१ह ४८९६ नम्बरको टेम्पु एक आपसमा ठोक्किएर दुर्घटना हुँदा टेम्पु चालक क्षिरेश्वर नगरपालिका–४ कुमरौल बस्ने २४ वर्षीय रोशन साह, क्षिरेश्वर नगरपालिका–४ बस्ने ७२ वर्षीय रामदेव साह, सिराहा बस्ने ४० वर्षीया रेखा यादव र सोही नगरपालिका हंसपुर मल्हनिया बस्ने २२ वर्षीय सञ्जय साहको मृत्यु भएको प्रहरीले जनाएको छ । दुर्घटनापछि गाडीका चालक फरार रहेको प्रहरीले जनाएको छ ।
