चैत ७,
भक्तपुर । महानगरीय प्रहरी परिसर भक्तपुरले जुवा खेलिरहेको स्थानबाट नगद सहित केही व्यक्तिलाई पक्राउ गरेको छ । पक्राउ पर्नेमा ३ जना महिला र ३ जना पुरुष रहेका छन् । विहिबार साझँ प्रहरीले सूर्यविनायक नगरपालिका वडा नम्बर ५ कटुञ्जे सुबर्णेश्व चोकबाट तास खेलीराखेको अवस्थामा ६ जनालाई पक्राउ गरेको हो ।
महानगरीय प्रहरी वृत जगाती भक्तपुरबाट खटिएको प्रहरी टोलीले नगद रु दुई लाख ८६ हजार ३ सय १० र १० बुक तास सहित उनीहरुलाई पक्राउ गरेको जानकारी दिएको छ । पक्राउ पर्नेमा सिन्धुपाल्चोक लिसंखुपाखर गाउँ पालिका वडा नम्बर ४ घर भई हाल सूनपा कटुञ्जे बस्ने बर्ष ५५ को नर्वु लामा, हाल पाण्डुबजार बस्ने बर्ष ३५ को एडी लामा र सिन्धुपाल्चोक जुगल गाउँ पालिका ४ घर भई हाल ठिमी बोडे बस्ने बर्ष २८ को मान ब.श्रेष्ठ रहेका छन् ।
मोरङ पथरी शनिश्चरे नगरपालिका ९ घर भई हाल काठमाण्डौ पेप्सिकोला बस्ने बर्ष २९ की सरु राई, सोही स्थान घर भई पेप्सीकोला बस्ने बर्ष २५ की मिमा राई, दोलखा शैलुङ गाउँ पालिका १ घर भई हाल सूर्यबिनायक बस्ने बर्ष ३६ की राखी लामा रहेकी छिन् । उनीहरुलाई नियन्त्रणमा लिई जुवा मुद्दामा म्याद थप गरी थप अनुसन्धान कार्य भईरहेको प्रहरी परिसरभ भक्तपुरका सूचना अधिकृत रेवती रमण पोखरेलले जानकारी दिएका छन् ।
