असार ४,
मकवानपुर । नेपाली काङ्ग्रेसको सबै जिल्लाका सभापतिहरुको मकवानपुरको हेटौंडामा भेला हुने भएका छन् ।
भोलिबाट सुरु हुने भेलाको तयारी पूरा भएको छ । भेला आयोजक समितिका सभापति एव् मकवानपुर कांग्रेसका जिल्ला सभापति इन्द्र बानियाँले तीनदिन सम्म चल्ने भेलाको सम्पूर्ण तयारी पूरा भएको बताए । भेलामा ७७ वटै जिल्लाका सभापति सहभागि हुनेछन् ।
भेलाका मुख्य तीन एजेण्डा
निर्वाचनमा पराजयपछि काङ्ग्रेसमा नेतृत्व परिवर्तको आवाज उठिरहेका बेला बोलाइएको काङ्ग्रेस सभापतिको भेलालाई काङ्ग्रेसजनले महत्वका साथ हेरेका छन् ।
यद्यपी यो भेलामा मुख्यगरी तीनवटा एजेण्डाका बारेमा छलफल गर्ने तयारी सभापतिहरुले गरेका छन् । तीमध्ये काङ्ग्रेसको विधान संशोधन, संगठन सुदृढिकरण र समसामयिक राजनीतिक अवस्थाका बारेमा व्यापक छलफल गरी निश्कर्षमा पुग्ने काङ्ग्रेस सभापतिहरुले बताएका छन् ।
