काठमाडौँ । बाराबाट निर्वाचित स्वतन्त्र प्रदेशसभा सदस्य शारदा शङ्कर कलवार जनता समाजवादी पार्टी (जसपा) प्रवेश गरेका छन् । बारा २ (१) बाट जितेका कलवारलाई मधेस प्रदेशका अर्थमन्त्री सञ्जय कुमार यादव र जसपाका विराटनगर महानगरपालिका अध्यक्ष अमरेन्द्र यादवले पार्टी प्रवेश गराएका हुन् ।
उनी बारा क्षेत्र नं २ (१) बाट ९ हजार २९५ मत प्राप्त गरी एमालेका बलवीर भुजेललाई पराजित गर्दै विजय भएका थिए । यसअघि महोत्तरी २ (२) बाट चुनाव जितेका स्वतन्त्र सांसद सुरिता साह र पर्सा क्षेत्र नम्बर ३ (१) का प्रमोद कुमार जैसवालले जसपामा प्रवेश गरेका थिए । यो सँगै जसपाको मधेस प्रदेशमा १९ सांसद पुगेको छ ।
