काठमाडौं । ४ मंसिरमा हुने प्रतिनिधिसभा निर्वाचनमा सिन्धुपाल्चोक २ मा गठबन्धनका साझा उम्मेदवार कांग्रेस नेता मोहनबहादुर बस्नेतको चर्चा बढेको छ । कांग्रेसको आफ्नै प्रभाव क्षेत्र, सत्ता गठबन्धनको साथ, एमालेको विभाजन, बस्नेतको विकासवादी नेताको परिचयले एमालेका तामाङ भन्दा बस्नेतलाई सहजता देखिएको हो ।
केन्द्रीय राजनीतिभन्दा दुवैको भूगोलसँगको साइनो बढी देखिन्छ । तर यस्तो प्रतिस्पर्धामा पनि बस्नेत अब्बल देखिएका छन् । पटकपटक मन्त्री हुँदा पनि काम गर्न नसकेको भनेर तामाङको आलोचना हुँदा बस्नेत भने मन्त्री हुँदा र नहुँदा पनि गरेको कामबाट चर्चित छन् । मन्त्री र सांसद नै नहुँदा पनि नागरिकसँग जोडिएर सहयोग गर्ने नेताको छवि बस्नेतको छ ।
केन्द्रमा शेरबहादुर देउवा पक्षका बस्नेतको प्रभाव र पहुँच पनि उत्तिकै राम्रो छ । यही पहँचको आधारमा बस्नेतले जिल्लामा राम्रा योजना पार्ने र आफूलाई विकासवादी नेताको रुपमा परिचित गराउन सफल भएका छन् । तर पहुँचमा भएर पनि काम नगर्ने नेताको छवि तामाङले बनाएका छन् ।
