भक्तपुर । सुनकोशी नदीमा गाडी खस्दा भक्तपुरका तीन जना युवाहरु बेपत्ता छन् ।
मध्यपहाडी लोकमार्ग अन्र्तरगत सिन्धुलीमा जीप सुनकोशी नदीमा खस्दा बेपत्ता भएका तीन जनाको खोजी कार्य बिहानै देखि सुरु भएको जिल्ला प्रहरी कार्यालय सिन्धुलीका प्रमुख एसपी गोबिन्द राज काफ्ले जानकारी दिएका छन् ।
नयाँ नेपाल न्यूजसंग कुरा गर्दै एसपी काफ्ले भने हामीले बिहानैदेखि खोजी सुरु गरेका छौ घटनास्थल नजिकै दुर्घटना भएको गाडी भेटिएको छ ।
प्रहरीका अनुसार प्रदेश ३ –०१–०२३ च ६३६६ नम्बरको गाडी खोटाङको हलेसीबाट काठमाडौंतर्फ आउँदै सिन्धुलीको गोलन्जोर गाउँपालिका १ कुडुले नजिकबाट सुनकोशी नदीमा खसेको थियो । उक्त गाडीमा सवार भक्तपुर सुर्यविनायक नगरपालिका ८ जगतीका अविन बके, सोही ठाउँका प्रनित सायाजु र बलराम घटुवा अवस्था हालसम्म पत्ता लागेको छैन् । साही गाडीमा सवार २७ वर्षीय सुशान्त कक्षपतीको सुनकोशी सामुदायिक अस्पताल खुर्कोटमा उपचार भइरहेको र उनको अवस्था सामान्य रहेको सिन्धुली प्रहरी प्रमुख एसपी काफ्लेले बताए । खोजी कार्यमा नेपाल प्रहरी, सशस्त्र प्रहरी बल नेपाल विपद व्यवस्थापन बेश खुर्कोटलगायतले बिहानै खोजी कार्य सुरु गरेका छन् ।
