भक्तपुर । श्रीमानको कुटपिटबाट भक्तपुरमा एक जना महिलाको मृत्यु भएको छ । विहिबार साँझ चाँगुनारायण नगरपालिमा वडा नं. ३ झौखेलमा श्रीमानको कुटपिटबाट श्रीमतीको मृत्यु भएको हो ।
सिन्धुपाल्चोक मेलम्ची नगरपालिका वडा नं. ८ घर भई झौखेल बस्ने बर्ष २५ को सन्तोष भुजेलले मादक पदार्थ सेवन गरी आफ्नै श्रीमती बर्ष २१ की पवित्रा राईलाई कुटपिट गरि गम्भिर घाईते बनाएका थिए । घाइते पवित्राको उपचारकोलागि भक्तपुर अस्पताल लगिएकोमा उपचारकै क्रममा निधन भएको जिल्ला प्रहरी परिसर भक्तपुरका सूचना अधिकारी डीएसपी बसन्त पाठकले बताए । राईको शव पोष्टमार्टमको लागि भक्तपुर अस्पतालमा राखिएका छ । घटनामा संलग्न भुजेललाई नियन्त्रणमा लिई थप अनुसन्धान कार्य भईरहेको प्रहरीले जानकारी दिएको छ ।
