भक्तपुर । भक्तपुर जिल्लाको चाँगुनारायण नगरपालिका वडा नं. ९ ताथलीमा सञ्चालन भएको विराट पितृ मुक्ति महायज्ञको आज छैठौं दिन हो । यहाँ नेतादेखि सर्वसाधारणको बाक्लो उपस्थिती भएको देख्न सकिन्छ ।छोरीको घर जेष्ठ नागरिक आश्रमको सहयोगार्थ सञ्चालन भएको विराट ज्ञान पितृ मुक्ति महायज्ञको विभिन्न धार्मीक कार्यक्रम हुदैं आएको छ । १७ दिनसम्म सञ्चालन हुने उक्त महायज्ञ आगामि असोज २७ गतेसम्म सञ्चालन हुने आयोजकले जनाएको छ । सुरुको दिनदेखि नै यहाँ सर्वसाधरणहरुको बाक्लो उपस्थिती रहेको आयोजकले जानकारी दिएको छ । यहाँ जेष्ठ नागरिक दिवश मनाइएको छ । दिवशको अवसरमा महायज्ञमा सहभागी ७० बर्ष माथीका ४० बढी जेष्ठ नागरिकलाई सम्मान गरिएको हो । महायज्ञमा छोरीको घर जेष्ठ नागरिक आश्रम निर्माण गर्नका लागी वालयोगेश्वर श्री विजयमूर्ति महाराज जीले नगद रु ५० लाख सहयोग गर्ने घोषणा गर्नु भएको छ । उहाँले गत विहिबार उक्त आश्रमलाई जग्गा खरिद गरि भवन निर्माणको लागी सहयोगार्थ आयोजित महायज्ञको उद्घाटन शत्रलाई सम्बोधन उक्त कुराको घोषणा गर्नु भएको हो ।
विराट ज्ञान पितृ मुक्ति महायज्ञ केही तस्विर हेरौं
