काठमाडौं । नेपाली सेनाको डोल्पाको सदरमुकाम दुनैमा अवस्थित नन्द बक्स क्याम्पका गुल्मपति विमल पण्डित सम्पर्कविहीन भएका छन्। उनी आइतबार साँझदेखि सम्पर्कविहीन भएको डोल्पाका प्रमुख जिल्ला अधिकारी भूमिश्वर पोखरेलले जानकारी दिए। बडीगार्ड नलिई हिँडेकाले उनको खोजीमा समस्या भएको प्रहरीले जनाएको छ।
गुल्मपति पण्डितको खोजीका लागि डिएसपी शिवकुमार बुढाथोकीको नेतृत्वमा प्रहरी प्रहरी, सेना, सशस्त्र प्रहरी र राष्ट्रिय अनुसन्धानको टोली परिचालन गरिएको छ। मोबाइलमा चार्ज नभएको साथै नेटवर्कले राम्रोसँग काम नगर्ने भएकाले सम्पर्क नभएको हुनसक्ने उनको अनुमान छ।
