सल्यान : जिल्लाको बागचौर नगरपालिकामा ट्र्याक्टर दुर्घटना हुँदा तीनजना गम्भीर घाइते भएका छन्।
बुधबार बिहान जिल्लाको बागचौर–२ थारमारे बजारबाट वडा नं. १ ठिनवाङ जिउला जाँदै गरेको रा १ त ३२६३ नम्बरको ट्र्याक्टर ठिनवाङ जिउलामा दुर्घटना भएको जिल्ला प्रहरी कार्यालय सल्यानले जनाएको छ।
दुर्घटनामा परी चालक बागचौर नगरपालिका १ गैरावेदका २४ वर्षीय युवराज रोकाय, ४५ वर्षीय कालिबहादुर बस्नेत र बागचौर नगरपालिका १० पिपलनेटाका ५० वर्षीय लालबहादुर विक घाइते भएको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिए। गम्भीर घाइते कालिबहादुर र लालबहादुरको थप उपचारका लागि जिल्ला अस्पताल पठाइएको छ भने चालक रोकायको बागचौरस्थित जनप्रिय पोलिक्लिनिकमा उपचार भइरहेको श्रेष्ठले बताए। ट्याक्टर सडकबाट १०० मिटर तल खसेको छ । दुर्घटनाको कारण खुल्न नसकेको र अनुसन्धान भइरहेको प्रहरीले बताएको छ।
