काठमाडौँ । लुम्बिनी प्रदेश सभाको बैठक आज बस्दै छ । बैठक दिउँसो १ बजे बस्ने गरी बोलाएको लुम्बिनी प्रदेश सभाका सचिव दुर्लभकुमार पुनमगरले जानकारी दिए ।
आज बस्ने बैठकमा प्रदेश सभामा बोल्नका लागि विशेष समय छुट्याइने र मुख्यमन्त्री लिला गिरीबाट ‘लुम्बिनी प्रशिक्षण प्रतिष्ठान’ सम्बन्धी विधेक प्रदेश सभामा पेस गर्ने कार्यतालिका रहेको प्रदेश सभा सचिवालयले जनाएको छ ।
प्रदेशका सभामुख तुलाराम घर्तीको निर्देशनमा लुम्बिनी प्रदेश सभा नियमावली, २०७९ नियम १२ को उपनियम (३) बमोजिम अनुरुप बैठक आह्वान गरिएको प्रदेश सभाका सचिव पुनले बताए । नेकपा (माओवादी केन्द्र)सहितका दलहरूले सरकारलाई दिएको समर्थन फिर्ता दिएपछि पहिलो पटक बैठक बस्न लागेको हो ।
