काठमाडौँ । नवनिर्वाचित उपराष्ट्रपति रामसहायप्रसाद यादवको आज सोमबार पद तथा गोपनियताको शपथ लिएका छन् ।राष्ट्रपति भवन शीतलनिवासमा आयोजना गरिएको एक विशेष कार्यक्रमबीच राष्ट्रपति रामचन्द्र पौडेलले यादवलाई शपथ गराएका हुन् ।
समारोहमा राष्ट्रपति रामचन्द्र पौडेल, प्रधानमन्त्री पुष्पकमल दाहाल ‘प्रचण्ड’, सभामुख देवराज घिमिरे, राष्ट्रिय सभाका अध्यक्ष गणेशप्रसाद तिमिल्सिनालगायतको उपस्थिति रहेको थियो । गत चैत ३ गते उपराष्ट्रपतिमा यादव निर्वाचित भएका थिए । यादवले ३० हजार ३२८ मतभार प्राप्त गरी विजयी भएका थिए ।
