काठमाडौँ । नेकपा माओवादी केन्द्रले फागुन ५ गतेसम्म प्रदेश समन्वय समितिको बैठक सक्ने तयारी गरेको छ । केही दिनअघि बसेको स्थायी कमिटीको बैठकले प्रदेश १ र बागमतीमा माघ २७, मधेस २८, गण्डकी २९, लुम्बिनी र सुदूरपश्चिम फागुन २, कर्णाली र प्रवास फागुन ३, उपत्यका विशेष र सम्पर्क समन्वय प्रदेशको फागुन ३ गते गर्ने निर्णय गरेको हो ।
यस्तै, दुई महिने वैचारिक, राजनीतिक र साङ्गठनिक अभियान तल्ला तहका समिति र जनस्तरसम्म गरिसक्ने र लिखित रिपोर्ट तयार गरी केन्द्रीय कार्यालयमा पेस गर्न निर्देशनसमेत दिएको छ । स्कुलिङको अभियान, व्यवस्थापन सम्बन्धित प्रदेश, जिल्ला र पालिकाले मिलाउने र पाठ्यक्रम र प्रशिक्षण केन्द्रीय स्कुलिङ विभागले तयार गरी पठाउने व्यवस्था मिलाउन भनेको छ ।
