भक्तपुर । जिल्ला आयुर्वेद स्वास्थ्य केन्द्र भक्तपुरको आयोजनामा विद्यालय आयुर्वेद तथा योग शिक्षा कार्यक्रम सम्पन्न भएको छ । मिति २०७९/१०/१५ गते देखि २०७९/१०/२० सम्म बागीश्वरी माध्यमिक विद्यालय, च्यामासिंहको सभाहलमा विद्यालय आयुर्वेद तथा योग शिक्षा कार्यक्रम सम्पन्न भएको हो । सो कार्याक्रममा भक्तपुर जिल्लामा संचालनरत सामुदायिक विद्यालयका तर्फबाट बागीश्वरी माध्यमिक विद्यालय, च्यामासिंह र संस्थागत विद्यालयका तर्फबाट मनकामना सेकेण्डरी स्कुल, कमलबिनायकका शिक्षक, बिद्यार्थीहरु तथा विद्यालय नर्श सहभागी भएका थिए । कार्यक्रममा प्रत्येक बिद्यालयका तर्फबाट ३/३ जना छात्र र छात्रा, स्वास्थ्य तथा शारीरिक शिक्षा विषयका बिषय शिक्षक १\१ जना र विद्यालय नर्श १\१ जना गरी जम्मा १६ जना सहभागी भएका थिए ।
कार्यक्रममा योग प्रशिक्षक जानुका भट्टराईले योग प्रशिक्षण गराएका थिए भने योग, आयुर्वेद, स्वस्थकर जीवनशैली, भान्सा तथा घर वरिपरीका जडिबुटिहरु आदि बिषयमा सैद्धान्तिक कक्षाहरु पनि संचालन गरिएको थियो । विद्यालयस्तर देखि नै योग, आयुर्वेद तथा स्वस्थकर जीवनशैली अवलम्बन गर्न सकेमा बढ्दै गईरहेको नसर्ने रोगहरुको प्रकोप कम गर्ने सघाउ पुग्ने र त्यसका लागि विद्यार्थी, बिषय शिक्षक तथा विद्यालय नर्शलाई सम्बन्धित बिषयहरुमा अभिमुखिकरण गर्नका लागि यो कार्यक्रम आयोजना गरिएको जिल्ला आयुर्वेद स्वास्थ्य केन्द्र भक्तपुरका कार्यालय प्रमुख डा. नरेन्द्र प्रसाद गिरीले बताए ।