काठमाडौँ । कोरोना भाइरसका कारण चिनियाँतर्फबाट बन्द भएको रसुवागढी नाका आजदेखि सञ्चालनमा आउने भएको छ।
चीनको स्वशासित क्षेत्र तिब्बतमा लकडाउन हुँदा बन्द भएको रसुवागढी नाका मङ्गलवार बिहानबाट खुलेको छ । नाका खुलेसँगै केरुङमा रोकिएको व्यापारीका सामान आयात निर्यात भएको रसुवा भन्सार कार्यालयले बताएको छ ।
चीनको तिब्बत क्षेत्रमा कोरोना भाइरस जोखिम बढेको भन्दै गत साउन २५ गतेदेखि बन्द भएको रसुवागढी नाका आजदेखि खुल्ला हुने रसुवागढी भन्सार कार्यालयका प्रमुख नारायण भण्डारीले जनाकारी लिए ।
आजै सात वटा कन्टेनर चाइनातर्फ गएको व्यवसायी सुरेश थोक्रोले जानकारी दिए । नेपाली मूर्ति, बस्ने मुडा, नेपाली नरिवलबाट बनेको डबल आदि चाइनातर्फ गएको थोक्राले बताए ।
