काठमाडौं । नेपाली कांग्रेस संसदीय दलको नेतामा पाँचौँपटक शेरबहादुर देउवा निर्वाचित भएका छन् । आज (बुधबार) बिहान भएको कांग्रेस संसदीय दलको निर्वाचनमा देउवा निर्वाचित भएका हुन् ।
योसँगै उनी पाँचौँपटक संसदीय दलको नेता बनेका छन् । ८९ सदस्यीय कांग्रेस संसदीय दलको निर्वाचनमा ६४ मतसहित सभापति देउवा निर्वाचित भएका छन् ।
देउवा २०५१ सालमा तत्कालीन पार्र्टी सभापति गिरिजाप्रसाद कोइरालाको सहयोगमा संसदीय दलको नेता बनेका थिए । त्यो बेला उनी ४९ वर्षका थिए र प्रधानमन्त्री पनि बने ।
