काठमाडौं । चिनियाँ तीन अन्तरिक्ष यात्री आफ्नो ६ महिने चिनियाँ अन्तरिक्ष केन्द्रको मिसन पूरा गरेर पृथ्वी फर्किएका छन्।
नोभेम्बरमा सम्पन्न गरिएको टियनगङ अन्तरिक्ष केन्द्रको अन्तिम निर्माण चरण हेर्न उनीहरू जुन ५ तारिखमा अन्तरिक्षका लागि गएका थिए।
अन्तरिक्षयात्रीको टोली आइतवार चीनको भित्रि मंगोलियास्थित स्वायत्त क्षेत्रमा शेन्जो-१४ अन्तरिक्ष यान मार्फत अवतरण गरेका थिए।
चीनको अन्तरिक्ष निकायले उक्त मिसनलाई “पूर्ण सफल” भनेको छ।
कमाण्डर चन डुङ, टोली सदस्य लिओ आङ र साइ सुझेले अवतरणपछि प्रसारक सीसीटीभीले प्रसारण गरेको अडियोमार्फत आफूहरूले आराम महसुस गरेको बताएका थिए।
