काठमाडौँ । नेपाली सुनचाँदी बजारमा सुनको मूल्य प्रतितोलामा १ सय रुपैयाँले वृद्धि भएको छ। आज साताको पहिलो कारोबारको दिन आइतबारमा वृद्धि भएको हो ।
शुक्रबार र शनिबार प्रतितोला ९७ हजार २ सय रहेको सुनको मूल्य आइतबार प्रतितोला ९७ हजार ३ सय रुपैयाँमा कारोबार भइरहेको नेपाल सुनचाँदी व्यावसायी महासंघले जनाएको छ।
यस्तै, तेजावी सुनको मूल्य पनि ९६ हजार ८ सय रुपैयाँमा कारोबार भइरहेको महासंघले जनाएको छ। आइतबार चाँदी प्रतितोला एक हजार २४५ रुपैयाँमा कारोबार भइरहेको छ।
