भक्तपुर । भक्तपुरको सूर्यविनायक नगरपालिका–१ सिरुटारका मिलन मिश्र र अमुदा विष्टले अष्ट्रेलियाबाट म्युजिक भिडियो ‘देउन दिलमा दरबन्दी’ सार्वजनिक गरेको छन् ।विगत आठ वर्षदेखि अस्ट्रेलियामा बस्दै मोडलिङ र अभिनयमा सक्रिय रहदै आएका श्रीमान् श्रीमति मिलन र अमुदाले केही महिना अगाडि नेपालको एक महिनाको बसाईमा विभिन्न जिल्लामा खिचेको म्युजिक भिडियो अस्ट्रेलियाबाटै ‘मिलअमु फिल्मस्’ ले सार्वजनिक गरेको हो । देवल भण्डारीको शब्द, अस्मिता अधिकारी र उमेश खत्रीको स्वर, दिपक शर्माको संगीत र नरेन्द्र वियोगीको संगीत संयोजन रहेको उक्त म्युजिक भिडियो उत्कृष्ठ बनेको छ । युवायुवती विचको प्रेम र आकर्षणलाई रोमाञ्चक ढंगले प्रस्तुत गरिएको म्युजिक भिडियोमा मिलन र अमुदाको आकर्षक नृत्य देख्न सकिन्छ ।
भिडियो हेर्नुहोस्:
राष्ट्रिय समाचार समितिका पत्रकार रमेश मिश्र तथा उहाँकी पत्नी शोभा मिश्र उत्पादक रहेको उक्त म्युजिक भिडियोलाई उत्सव दाहालले छायांकन, केशबराज भट्टको कोरियोग्राफी, विकास दाहालको सम्पादन र प्रकाश धितालको निर्देशनमा रहेको छ । यसअघि पनि मिलन मिश्रले अस्ट्रेलियाको व्रिजवेनमा रहेको पगोडा क्रियसन प्रडक्सन हाउसले निर्माण गरेको म्युजिक भिडियोमा पनि मिलन मिश्रले आफ्नो दमदार अभिनय प्रस्तुत गरेका छन् । इन्द्र आर.पी र निलिमा थापा मगरको स्वर रहेको उक्त म्युजिक भिडियोले चर्चा पाए पछि मिश्रले धमाधम म्युजिक भिडियोमा अभिनय गर्न थालेका हुन् । नेपाली सिने जगतमा आफ्नो स्थान बनाउन अस्ट्रेलिया रहदाँ पनि संघर्षशिल मिश्रले यसअघि थुप्रै सर्ट फिल्मदेखि चर्चित गीतहरुको म्युजिक भिडियोमा आफ्नो अभिनय एवं नृत्य कला देखाइ सकेका छन् ।
