साउन ५,
काभ्रे । केहि दिन यता लगातार परेको झरीका कारण मण्डनदेउपुर नगरपालिकाको वडा नम्बर १ हलेदेमा पहिरो गएको छ । हलेदेको बस्ताकोटी टोलमा पहिरोका कारण ७ घर जोखिममा परेकाले उनीहरुलाई अन्यत्र सारिएको स्थानीय मनोज बस्ताकोटीले नयाँ नेपाल न्यूजलाई जानकारी दिएका छन् ।
सडकको डिल भासिएर पहिरो जादाँ गाडिएको विद्युलपोल ढलेको कारण विद्युत सेवा अवरुद्ध भएको छ । पोल ढलेको कारण हलेदे, चुरिथुम्का, गिरधेरेका करिब २ सय भन्दा धेरै घरमा प्रशारण हुदैं आएको विद्युत लाइन बन्द भएको सोही वडाका वडासदस्य रामप्रसाद ढकाले जानकारी दिएका छन् ।
वडा सदस्य ढकालले भने ‘स्थानीय सडकहरु अवरुद्ध भएका छन्, दर्जनौं स्थानमा पहिरो गएको छ, ।’
