असोज २५, काठमाडौँ । नेपालको दुईदिने राजकीय भ्रमणका लागि चिनियाँ राष्ट्रपति सी चिनफिङ नेपाल आएका छन् । सि भारतको चेन्नाइबाट नेपालकालागि उडेका थिए । उनीसँगै तीनवटा विमान त्रिभुवन विमानस्थलमा आउनेछन् । जसमध्ये एउटा विमान ४ बजेर १० मिनेटमा अवतरण गरेको छ ।
सी एयर चाइना विशेष जहाजमार्फत नेपाल आएका हुन् । उनी राष्ट्रपति विद्यादेवी भण्डारीको मैत्रीपूर्ण निमन्त्रणामा राष्ट्रपति सी आज नेपाल आएका हुन् । उनलाई प्रधानमन्त्री केपी शर्मा ओली, उपराष्टपति नन्द बहादुर पुनलगायतले बिमान स्थलमा स्वागत गरेका छन् । २० घन्टाको काठमाडौ बसाईमा सिले नेपाली काङ्ग्रेसका सभापति शेर बहादुर देउवा, नेकपाका अध्यक्ष प्रचण्डले समेत भेट गर्ने छन् । सिको स्वागतमा स्वतस्फूर्त रुपमा नेपाली जनता सडकमा आएका छन् । फाइल तस्वीर
