साउन १४,
भक्तपुर । जिल्ला अदालत भक्तपुरले प्रेमीसंग मिलेर आमाको हत्या गर्ने छोरीसहितका चार जनालाई पुर्पक्षकालागि थुनामा राख्ने आदेश दिएको छ । मंगलबार न्यायाधीस डाक्टर श्रीप्रकाश उप्रेतीको एकल ईजलासले छोरी र उक्त हत्या संग्लन रहेका अन्य तीन आरोपीहरुलाई पुर्पक्षकालागि थुनामा राख्ने आदेश दिएको अदालतका तहसीलदार तथा सूचना अधिकारी सदन अधिकारीले जानकारी दिएका छन् ।
भक्तपुरको चाँगुनारायण ७ मा गत असार १५ गते आफ्नै छोरीले प्रेमीसँग मिलेर आमा सावित्रा भट्टराई गरेकी थिइन् । प्रहरील हत्याको विषयमा अनुसन्धान गर्दा हत्यामा छोरीकै संलग्नता रहेको भन्दै छोरी ईश्वरी, सिरहाका मोहम्मद नौशाद, भारतीय नागरिक अर्जुन कुमार भनिने भोला कुमार र मोहमद रइसलाई पक्राउ गरेको थियो ।
उनले १२ लाख रुपैयाँ मा सुपारी दिएर आमाको हत्या गर्न लगाएको अनुसन्धानबाट खुलेको छ ।
प्रहरीका अनुसार प्रेमीसँग मिलेर उनले आमाको हत्या गर्न भारतीय कन्ट्राक्ट किलर (भाडाका अपराधी) भाडामा प्रयोग गरिएको पाइएको छ । छोरीको प्रेम सम्बन्धका बारेमा आमालाई थाहा भएकै कारण उनको हत्या गरिएको हुनसक्ने प्रहरीको प्रारम्भिक अनुसन्धानले देखाएको थियो ।
