असार २२,
काठमाडौं । नायिका स्वस्तिमा खड्का पछिल्लो समय झनभन्दा झन् स्टाइलिस हुँदै गएकी छिन् । हालै उनले श्रीलङ्काको कोलोम्बोमा भएको ‘सार्क फिल्म फेस्टिभल २०१९’ मा पनि सहभागिता जनाइन् । फेस्टिभलमा स्वस्तिमा खड्का अभिनित फिल्म ‘बुलबुल’ को पनि प्रदर्शन गरिएको थियो । फिल्म ‘दुई रुपैयाँ’ को गीत ‘कुटुमा कुटु’ पछि थप चर्चामा रहने गरेकी स्वस्तिमा पछिल्लो समय झनै बोल्ड बन्दै गएकी छिन् । 
स्वस्तिमाले सामाजिक सञ्जाल इन्स्टाग्राममा हालै केही तस्वीर शेयर गरेकी छिन् । ती तस्वीर हेरेर फ्यानले उनको खुलेर तारिफ गरेका छन् । पर्पल पोशाकमा सजिँदा उनलाई उत्तिकै सुहाएको छ । ‘झ्याप्पै कदम रोकियो फूलको बोटैमा,’ एक फ्यानले स्वस्तिमाको तस्वीरमा कमेन्ट गरेका छन् । कैयन् फ्यानले स्वस्तिमालाई निकै सुहाएको भन्दै कमेन्ट गरेका छन् ।
